聖保羅男女中學（St Paul's Co-educational College）係由香港聖公會創辦嘅男女生一同授課嘅英文中學">英文中學，喺香港中環麥當勞道33號。同址隔離係（麥當勞道）小學校舍（原本係附屬小學，上下午校共同校舍）。另於鄰近堅尼地道7號對面前英童學校，而家成為聖保羅男女（堅尼地道）小學校舍，作為推行全日制小學後「附屬小學」嘅另一小學校舍。
聖保羅男女中學創立喺1915年（當時名叫聖保羅女書院）。早期只收女生，1918年成為香港第一間規定學生必須着住校服嘅學校，1945年戰後復課，兼收男女學生，係香港首間男女同校學校。2001年向政府申請成為直接資助學校，成為首間直資中學。
校舍面積 5450 平方米，現有學生超過 1200 人，現時校長係陳黃麗娟。
學校除而家嘅三個校舍（中學、（麥當勞道）小學、（堅尼地道）小學）外，喺附近歌老打路另設有學校專用室內游泳池，畀校內中小學學生上運動游水堂用，亦開放畀會員同埋校友使用。

深井係香港新界大陸西南岸。西面係青龍頭，東面係汀九。南面對正馬灣海峽，望住青馬大橋。深井屬於荃灣區，響一個河谷下面。
深井原本只係條村，由河口沿住河谷發展。後尾呢度有青山公路經過，有一啲工廠就搬來呢處。之後部份就轉咗做住宅大廈。
為咗發展屯門新市鎮，香港政府起咗條屯門公路連埋屯門同荃灣。而條路就響正深井村嘅頭頂。
深井最出名係燒鵝。

纜車，係英譯 cable car，不過指兩種唔同嘅交通工具：
纜車 例：香港山頂纜車
吊車 例：昂坪360

殺人係指一個人用任何方法令另一個人嘅生命完結、死亡，或者令佢嚴重受傷而死嘅一種行為。好多宗教都將殺人睇成罪。殺人響所有國家都係最嚴重嘅刑事罪行之一。

昂坪(Ngong Ping)，亦都有人寫昂平，係香港大嶼山一笪高原。昂坪最出名有寶蓮寺同天壇大佛。除此之外，重有青年旅舍同無幾遠嘅心經簡林。
昂坪有巴士同昂坪360吊車去到。

名
昂坪個昂解高起，而坪就係平地。

丹增嘉措（西藏話：བསྟན་འཛིན་རྒྱ་མཚོ་，1935年7月6號—），西藏人，係而家嘅第十四世達賴喇嘛。1959年受中共壓逼下走咗去印度，1989年攞到諾貝爾和平獎，2007年攞到美國國會金章。

呢篇文章嘅正確標題係iPod。但係維基技術唔畀文章題目用細楷英文字母開頭。
iPod係電腦">蘋果電腦推出嘅一種大容量 MP3 播放器，iPod 家族嘅出品提供一個簡單嘅用戶介面。一部標準嘅iPod會張所有嘅媒體檔案放喺一個內置嘅硬碟，但係比較小型嘅 iPod nano 同 iPod shuffle 就採用咗閃存 (flash memory)。同好多其他媒體播放器一樣，當 iPod 連接電腦嘅時候可以當做外置硬碟咁用。iPod 採用咗 Toshiba 出品嘅 1.8 英吋盤片硬碟作為儲存嘅媒介，有 10 GB 到 40 GB 嘅容量，可以放差唔多 2500-10000 首 128kbps 嘅 MP3 音樂，佢仲有完善嘅管理程序同創新嘅操作方式，外觀亦都獨特有創意，係 APPLE 少數能橫跨 PC 同 Mac 平台嘅硬件產品之一。
除咗可以播 MP3，iPod 重可以顯示聯繫人、日曆、任務，同埋顯示純文本電子書、播 Audible.com 嘅有聲電子書。

軟件
iPod 可以播放到MP3、M4A / AAC、Protected AAC、AIFF、WAV、Audible.com 嘅有聲電子書等等。蘋果電腦亦設計咗 iTunes，令到用戶可以將電腦">電腦裏面嘅媒體檔案自動同 iPod 同步。