Monday, September 24, 2007


德川家康(日文:徳川家康、生:1543年1月31號天文11年十一月廿六)-死:1616年6月1號元和2年四月十七))係日本戰國時代同埋江戶時代嘅人物。佢係江戶幕府嘅第一代征夷大將軍。幼名叫竹千代。長大後叫松平元康。佢喺關原之戰中擊敗石田三成,控制成個日本,佢嘅江戶幕府直到1868年由明治政權代替。

德川家康 經歷
佢喺三河國岡崎出世,父親係第八代當主松平廣忠,母親係水野忠政個女,叫於大之方,不過佢阿媽喺細過嗰陣受到今川家嘅庇護,因此佢同母親已經離別,父親廣忠為咗對抗織田信秀,同今川氏結咗盟,竹千代成為人質,畀送咗去駿河駿府

幼年
不過響送到駿府期間,佢畀織田信秀嘅部下擒獲。不過喺兩年後,織田信秀嘅庶長子織田信廣又被廣忠擒獲,於是廣忠提出交換人質嘅條件,雖然當時廣忠已經死咗,但係今川義元唔允許竹千代成為岡崎城主,呢幾年就喺駿府渡過,期間受到義元嘅家臣太原雪齋教育。14歲元服,改名為松平元信,兩年後改名松平元康,同義元嘅姪女築山殿舉行婚禮,元康先至可以返到岡崎城。

做人質嘅日子
桶狹間之戰松平元康率領三河眾成為戰役嘅先鋒,率先突襲敵軍。不過另一邊,當主今川義元喺休息期間被織田信長毛利新助服部小平太殺死,於是元康返到岡崎城,不過到岡崎城嘅時候,發覺今川家已經放棄哩座城,城裏一個人都冇。於是元康正式從今川家獨立出嚟。

桶狹間之戰
1562年,同今川氏嘅今川氏真斷交,改為同織田信長結盟,是為清洲同盟,第二年改名為家康1566年,平定咗三河領地內嘅一向一揆,統一三河國。同年,從朝廷任命為三河守,並改姓德川。之後家康集中攻擊今川氏嘅領土,間接令到今川氏冇咗大名嘅身份。1570年家康嘅主要地盤由岡崎城搬咗去曳馬嘅濱松城

清洲同盟
當時幕時將軍足利義昭曾經遊說渠加入信長包圍網嘅行列,義昭賜與副將軍一職,不過家康斷然拒絕。其後家康喺姊川之戰中協助出兵,令到淺井長政倉義景">朝義景嘅勢力大幅減退。不過1572年三方原之戰武田信玄大敗,幾乎令到德川家有滅亡危機。好在武田信玄嘅主要目標係上洛,德川家避免咗一次滅亡嘅危機,無耐,武田信玄喺向西的途中病死,武田軍返到甲府。兩年後,喺設樂打敗咗武田勝賴,令到武田家勢力大幅衰退。跟住喺1582年由於木曾義仲背叛武田家,令信長對武田的討伐開始,家康協助信長攻下支城,最終令武田勝賴喺天目山自盡,武田家滅亡,戰後獲得駿河一國領地。

同信長共渡苦難
同年,獲得豐臣秀吉嘅接見,到安土城一遊,期間家康同佢部份嘅家臣逗留安土城,不過織田信長喺京都遭到明智光秀嘅暗算而死亡,織田領內陷入大亂,當時德川家康仍然近畿領域,有被追殺嘅危險,當時服部半藏提議由伊賀逃離,最終成功逃脫。之後同後北條氏結盟,又積極擴充領土,使到佢成為擁有五國嘅大大名。
羽柴秀吉喺山崎打敗明智光秀後,更喺賤岳之戰打低柴田勝家,而秀吉下一個嘅目標係德川家。羽柴軍同德川軍喺小牧長久手兩地對峙。秀吉派遣突襲隊攻擊家康嘅營地,不過家康事先察覺,將突襲隊總大將羽柴秀次擊退。雖然家康喺小牧長久手之戰打咗一場勝仗。不過收尾秀吉改打織田信雄,信雄卒之同秀吉講和,於是家康亦建議大家都講和,最終將次男秀康送咗畀大坂城做人質。
1586年隨秀吉攻打竹佐嘅長宗我部元親同埋越中嘅佐佐成政。點知派鳥居元忠進攻上田城以失敗告終。加埋家臣石川數正忽然出走,投靠咗豐臣秀吉。終於喺10月同秀吉達成咗從屬嘅要求,秀吉嘅亞妹朝日姬成為家康嘅正室。秀吉嘅生母大政所送往岡崎城為人質。10月27號家康去大坂城拜見秀吉,正式達成從屬關係。

本能寺之變同秀吉嘅決戰
家康喺11月返到濱松,同月,被秀吉分封到駿府等五國嘅領地。喺1590年小田原征伐中,援助秀吉成功包圍小田原城,令到守軍冇交戰就投咗降。之後,秀吉分封關東七國畀渠,渠成咗百萬石嘅大名。之後雖然秀吉派兵出征朝鮮,不過家康以討伐北條嘅殘兵敗將為藉口留低,響德川家嘅名護屋城度做守備工作。

秀吉家臣時代
1598年,豐臣秀吉病死。由年僅6歲嘅豐臣秀賴繼位。家康藉機安排自己嘅親屬獲得領地,又同大名安排婚姻。終於引嚟親豐臣嘅家臣不滿,特別係石田三成。自從三成受到七將(加藤清正福島正則等)兩者關係極度緊張,更傳出有人暗殺家康。終於喺1600年初,東北地方大名上杉景勝嘅家臣直江兼續寫咗直江狀,令到家康好嬲。終於下令所有大名準備討伐會津嘅上杉景勝,不過喺家喺去到上野國,收到石田三成以打倒家康為目標,喺佐和山城起兵,家康立即興行軍議,大部份大名支持討伐三成,於是軍隊折返江戶城,並派遣先鋒先由西進發,調查三成嘅動向。
9月1日家康本隊喺江戶城出發,14號到達美濃,當家康到達後,三成隊離開佐和山城,三成嘅家臣島左近喺杭瀨川擊退咗中村一榮有馬豐氏嘅迎擊隊。
15號,兩軍喺關原開戰,是為關原之戰,最初嘅戰況對德川軍極為不利,直到中午,戰況先至有變化,家康派遣一隊鐵砲隊對小早川秀秋作恐嚇射擊。最終令到小早川秀秋倒戈,向大谷吉繼嘅陣地殺去,戰況先至有改變,最終東軍贏咗呢場仗。
家康喺關原之戰取勝後,分封領地,將大多數支持西軍嘅大名除封,並安排新領土畀佢嘅支持者,而豐臣家只係得65萬石嘅大名。

關原之戰
1603年,家康喺伏見城招請朝廷嘅人士,並且喺二條城就任將軍,成立江戶幕府,而家康就係江戶幕府嘅第一位將軍,雖然家康喺1606年將將軍嘅位置讓給三男德川秀忠,並且以駿府城用嚟隠居嘅地方,但係家康仍然掌握實權,從佢處理岡本大八事件同埋大久保長安事件可見一番。

大坂之陣
家康喺1616年四月十七喺駿府城病死,享年75歲,佢嘅墓地喺東京都日光東照宮,到佢死後,秀忠先至真正控制江戶幕府。

病逝

家族

正室:築山殿 (瀨名,關口親永女)
繼室:駿河御前(旭姬豐臣秀吉妹)
側室:長勝院(阿萬之方,小督局,永見吉英之女)
側室:西鄉局(阿愛之方)
側室:西郡局
側室:阿茶局
側室:良雲院(阿竹之方,市川昌永之女)
側室:下山殿(於都摩之方,秋山虎康之女)
側室:於牟須之方(三井吉正之女)
側室:於茶阿之方(朝覺院,花井氏之女)
側室:阿梶之方(英勝院太田康資之女)
側室:阿龜之方(相應院志水宗清之女)
側室:於萬之方(養珠院正木邦時之女)
側室:阿夏之方(清雲院長谷川藤直之女)
側室:阿梅之方(蓮華院青木一矩之女)
側室:阿六之方(養儼院黑田直政之女)
側室:阿仙之方(泰榮院宮崎泰景之女) 妻妾

松平信康(1559年—1579年)(母:築山殿)
結城秀康(1574年—1607年)(母:小督局)
德川秀忠(1579年—1632年)(母:西鄉局)
松平忠吉(1580年—1607年)(母:西鄉局)
武田信吉(1583年—1603年)(母:於都摩)
松平忠輝(1592年—1683年)(母:阿茶局)
松千代(1594年—1599年)(母:茶阿局)
仙千代(1595年—1600年)(母:阿龜)
德川義直(1600年—1650年)(母:阿龜)
德川賴宣(1602年—1671年)(母:阿萬)
德川賴房(1603年—1661年)(母:阿萬)
私生子(未確定):鈴木一藏(1565年 - ?)
私生子:永見貞愛(1574年—1605年)(母:阿萬)
私生子:松平民部(1582年—1616年)(母:法光院)
私生子:小笠原權之丞(?—1615年)(母:三條氏)
私生子(未確定):土井利勝(1573年—1644年)

長女:龜姬(1560年—1625年)(母:築山殿) - 奥平信昌
次女:督姬(1565年—615年)(母:西郡局) - 北條氏直池田輝政
三女:振姬(1580年—1617年)(母:良雲院) - 蒲生秀行淺野長晟
四女:松姬(1596年 - 1598年)
五女:市姬(1607年—1610年)(母:英勝院) 養子

小松姬(大倫院) - 本多忠勝女、真田信之
滿天姬(葉縱院) - 松平康元女、福島正之津輕信牧
榮姬(大涼院) - 保科正直女、黑田長政
阿姬(光照院) - 松平定勝女、山內忠義
蓮姬(長壽院) - 松平康直女、有馬豐氏
國姬(榮壽院) - 本多忠政女、堀忠俊有馬直純
龜姬(圓照院) - 本多忠政女、小笠原忠真
萬姬-{(敬台院)}- - 小笠原秀政女、蜂須賀至鎮
久松院 - 松平康元女、田中忠政松平成重
淨明院 - 松平康元女、中村一忠毛利秀元
唐梅院 - 松平康親女、井伊直政
高源院 - 岡部長盛女、鍋島勝茂
清淨院 - 水野忠重女、加藤清正
貞松院 - 保科正直女、小出吉英
名不明 - 松平康元女、松平忠政・菅沼定芳
名不明 - 松平康元女、岡部長盛室

No comments: