聖保羅男女中學（St Paul's Co-educational College）係由香港聖公會創辦嘅男女生一同授課嘅英文中學">英文中學，喺香港中環麥當勞道33號。同址隔離係（麥當勞道）小學校舍（原本係附屬小學，上下午校共同校舍）。另於鄰近堅尼地道7號對面前英童學校，而家成為聖保羅男女（堅尼地道）小學校舍，作為推行全日制小學後「附屬小學」嘅另一小學校舍。
聖保羅男女中學創立喺1915年（當時名叫聖保羅女書院）。早期只收女生，1918年成為香港第一間規定學生必須着住校服嘅學校，1945年戰後復課，兼收男女學生，係香港首間男女同校學校。2001年向政府申請成為直接資助學校，成為首間直資中學。
校舍面積 5450 平方米，現有學生超過 1200 人，現時校長係陳黃麗娟。
學校除而家嘅三個校舍（中學、（麥當勞道）小學、（堅尼地道）小學）外，喺附近歌老打路另設有學校專用室內游泳池，畀校內中小學學生上運動游水堂用，亦開放畀會員同埋校友使用。