Friday, April 4, 2008

新大嶼山巴士
新大嶼山巴士,全名叫新大嶼山巴士(1973)有限公司New Lantao BusNLB)係香港第三間專利巴士公司,隸屬冠忠巴士集團,服務範圍主要喺大嶼山。它喺大嶼山開辦咗多條路線,主要以來往梅窩碼頭到大澳昂平寶蓮寺東涌等等嘅地方為主,同時亦都喺東涌同香港國際機場開辦區內線服務,仲有一條機場巴士路線由香港國際機場來往梅窩
值得一提嘅係,佢係香港少數提供日票嘅公共交通機構,佢所提供嘅日票適用喺所有路線,但由於售票地點太少(目前只能夠喺梅窩碼頭嶼巴辦公室同新巴車廠購買),所以購買日票嘅人並唔多。

1973年前大嶼山巴士嘅服務
大嶼山早期只係個未開發的島嶼,主要村落散佈近海處,居民主要係依賴水路嘅交通。直至1950年代末期,政府要喺石壁石壁水塘以解決當年嘅水荒,因為呢樣嘢,政府同時開始起由梅窩到石壁嘅第一條道路(大嶼山公路/嶼南道)。隨住道路嘅建成,九龍巴士1960年4月22號喺大嶼山度開辦第一條巴士線1號,最初係由兩部巴士。不過由於嗰陣時大嶼山係好偏僻,平日需求係不多,假日就因為有一大堆市民往來大嶼山郊遊,搞到當時有好多嘅白牌車行走,對九巴1號線造成好嚴重嘅競爭,結果九巴嚴重虧木,1965年11月1號起唔再服務。
當九巴於1965年11月1號撤出大嶼山嗰陣時,離島四個鄉事委員會及當時白牌車的經營者已經有計劃喺九巴手上面接手經營嗰1號線,最後原有九巴行走大嶼山嘅兩部巴士,賣比鄉事委員會,並成立「大嶼山汽車有限公司」。後來大嶼山居民自行組織3間巴士公司(聯德、昂平及大澳巴士公司)去維持島上面嘅巴士服務。

No comments: