散文係最自由嘅文體，唔講究音韻，唔講究排比，冇任何嘅束縛及限制，但係散文講究「形散神不散」，篇文結構無論點樣唔成體系，中心思想都一樣咁明確，一樣會抒發作者想講嘅嘢。所以，一篇好嘅散文，形式上面，佢好似唔成一篇文，之但係，佢裏面個神韵，就有好强烈嘅感情。散文亦係中國最早出現嘅行文體例。通常一篇散文具有一個或多個中心思想，以抒情、記敘、論理等方式表達。