一個提議嘅接受或者拒絕係唔會按照數票數而去決定。
廣府話雖然有長遠嘅歷史，但係自古以來，讀書人書寫嘅時候多數会採用文言文。以至廣府話中嘅詞語，少用於書寫，又或者變咗音調。久而久之，啲人已經唔記得廣東話中嘅詞語原字係點樣寫，甚至以為：廣東話根本就係有音冇字嘅。如果你係咁想，就錯啦！ 喺省、港、澳，用廣東話寫傳奇、小說，一直代有其人。粵劇曲本、坊间小說，好容易揾倒例証。呢啲作家喺有需要嘅時候要寫番個正字出來，好難！只有自造一堆同音字來代替。 二十世紀後期，港澳興起幫呢啲口語嘅字搵返本字。好多人去研究廣東話，響呢方面都有啲成績。但係噉，廣東話社會，尤其係香港，對用本字定係造字亦都有爭論。用本字當然係正確，但係唔係人人都識。用造字係約定俗成，人人明講乜，但係就失去咗承傳。
粵語維基百科家下並無官方指引，而採取比較鬆態度，兩樣都同時存在。不過，使用假借字嘅原則係借字一定要同本字同音，例如「喺屋企樓下」同埋「呢條友係維基人」入面，一個「喺」、一個「係」，係唔可以掉轉嘅。
為方便大家起見，響呢度整個表畀大家參考。(正字只係考證推測，唔一定係啱，如果有更深入同足夠嘅考究，有可能畀人推翻。) 另外，粵語維基有Wikipedia:粵語用辭一版，其中有粵語用辭同北京話嘅對照表，以為參考。

再睇下
Wikipedia:粵語用辭‎