語言學，係一門研究人類語言嘅一種科學。語言學係人類學其中一個分支。而研究呢門學問嘅，就叫做語言學家。
現代語言學嘅目的，係將人類嘅語言好客觀噉做記述。所謂記述就係將現有語言嘅法則同埋性質，用語言資料做準嘅記述。 就好似物理學家會諗，點解蘋果會噉樣跌落黎一樣，語言學家就會諗點解某樣野會用某一個方法去講。 另外，現代語言學並唔理一種語言嘅優劣。起碼語言之間並冇特別嘅優劣嘅分別係語言學嘅大前提。以前有人以為語言嘅進化同埋社會發展、文明程度有關係，但係後來因為理解到任何語言都有番咁上下嘅複雜性，所以現代語言學否定咗語言上有進化呢回事。正因為噉，世上並唔存在所謂野蠻嘅語言又或者高級嘅語言。而家嘅語言學認為所有語言喺同自己嘅語言社會有密切關係嘅同時，亦可以適應社會溝通上嘅需要。

語言學嘅歷史