香港漫畫通常都叫做公仔書，而文化界興叫做港漫，1970到90年代係港漫嘅高峰，行出街好容易都會見到好多人插住本公仔書係褲袋。嗰陣時最賣得嘅港漫幾乎都係武俠漫畫，呢啲武俠漫畫以打打殺殺嘅風格見稱，全盛時期幾乎每日都有兩三本公仔書出版。不過1990年代後期，港漫嘅風格開始有啲改變，已經再唔單單係啲打打殺殺嘅武俠漫畫，嗰陣出現咗好多唔同類型嘅公仔書。雖然主流市場仍然以武俠或者係啲打打殺殺嘅公仔書為主，但係依家香港嘅漫畫出版社都願意出多好多唔同類型嘅漫畫。

香港漫畫簡史
1970至90年代，有一批年青漫畫家以新思維為香港漫畫市場殺出一條新血路，其中最突出嘅一個，都可算係《小流氓》作者黃玉郎。
受咗日本漫畫同埋歐美漫畫影響，嗰陣時嘅黃玉郎放棄咗港漫原本只係單格或近似插圖嘅形式，而以充滿電影感同分鏡頭式嘅風格去畫《小流氓》，故事亦好有突破，唔再係正正經經嘅故仔，而係有好多打打殺殺嘅場面，同埋有好多粗口，雖然喺社會上好多輿論指呢種風格過分渲染色情同暴力，但對於當時好多低下層嘅香港市民嚟講，《小流氓》嘅世界觀又的確可以產生到共嗚。
喺《小流氓》入面，正邪對立好明顯，人物性格強烈，再加上1970年代嘅香港社會本身存在好多壞風氣，好似貪污咁，而《小流氓》嘅主角對付壞蛋、教訓衰人嘅情節，的確係投射出好多低下層香港市民嘅心聲

土炮工業
到咗1990年代，香港漫畫界開始青黃不接，好多寫畫佬開始技窮，公仔書故事越嚟越無料到。加上新一代人開始成長，呢一批1990年代嘅後生仔多數受過高深教育，佢地好多都覺得公仔書嘅故事膚淺同無新意，加上電影同電視嘅競爭，資訊越嚟越發達，日本漫畫又再次興起，以及打機文化，都對港漫構成極大衝擊。
不過同一時間，香港出現咗一批浸過咸水返嚟嘅文化人，佢哋對畫漫畫亦好有興趣，例如歐陽應霽、榮念曾咁，佢吔出版咗好多風格同故事形式都同"土炮"好唔同嘅漫畫，呢啲風格又影響另一批獨立漫畫家，例如利志達、林祥焜、國志鳴呀咁，令港漫越嚟越百花齊放。
再加上電腦">電腦同網際網絡越嚟越興，所以越嚟越多民間獨立創作嘅漫畫喺網絡上出現。但係整體嘅香港漫畫市場，喺受到日本同美國漫畫競爭之下，已經無以前咁風光，再加上打機文化興起，今時今日已經唔再容易見到有人插住本公仔書係褲袋咯。

獨立創作
除咗公仔書，喺70到80年代初，重有漫畫報。
針對社會輿論對暴力漫畫嘅關注，令香港政府喺1975年10月通過「不良刊物法例」，其中特別針對「色情」同「暴力」嘅漫畫，喺呢條法例下，警察可以充公漫畫書，簡直就係想將公仔書趕盡殺絕。當時黃玉郎聯同另外兩大漫畫出版代表黃光、上官小寶，發起自律運動，停止出版色情書，同時滅小暴力，但政府對公仔書嘅打壓令經營出版漫畫構成壓力，於是就諗出以報紙形式嚟出版漫畫。
結果，第一份漫畫報《生報》就咁喺1975年7月15日創報，接住嚟好似金報、青報、喜報相繼出版 ，好多漫畫都係先喺呢啲漫畫報連載，例如龍虎門漫畫，會先喺金報連載，然後再出公仔書。另外，馬榮成嘅中華英雄，最初亦係喺1980年開始喺金報連載，後嚟大受歡迎先獨立出書。

漫畫報紙
喺黃玉郎嘅《小流氓》大熱同時，其實重有另外一個名稱一樣咁稱霸，就係以上官小寶為筆名嘅鄺東源，嗰陣時上官小寶以《李小龍》同《小流氓》打對台，兩本書同樣係當時暢銷漫畫之一，後嚟黃玉郎同上官小寶嘅出版亦成為香港出版最多漫畫嘅出版機構。而兩個人喺自己漫畫嘅專欄度筆戰，亦成為當時漫畫迷嘅話題。
喺嗰陣時，上官小寶嘅出版社出好多唔同嘅漫畫，因為咁而培訓咗好多漫畫家，而呢班跟上官小寶出身嘅漫畫家，幾乎全部都以"上官"做筆名，所以好多人都叫佢哋做"上官家族"。比較出名嘅上官家族成員有：上官小龍, 上官小強, 上官玉郎, 上官小威......等等。
不過，由於黃玉郎嘅出版社引入咗現代管理概念，日益助大之餘，亦撬走咗好多上官小寶嘅人，佢哋雖然已經無幫上官小寶做嘢，但仍然用"上官"做筆名，因而形成"上官家族"喺當時香港漫畫界有一定程度影響力。

上官家族
今時今日港漫種類其實有好多，不過以主流可以喺報紙檔買到嘅公仔書嚟計，幾乎都有一個統一嘅格式。以前《小流氓》同而家嘅港漫好唔同，《小流氓》嗰陣啲公仔書都係打橫掀，印刷術語叫"橫島"，嗰陣嘅公仔書只係賣兩毫子一本。而依家嘅公仔書就全部都係直掀，印刷術語叫"直島"，賣成十三蚊一本。
而呢啲"土炮"港漫多數都係以週刊形式出，亦有雙週刊。而公仔書嘅內容，除左有主打故事之外，重會有主筆同助理嘅專欄。以天下畫集為例，佢主要頁數都係以風雲故事為主，但最尾嗰幾頁，一定會有"主筆信箱"解答讀者來信，"助理專欄"係講寫畫部嘅趣事，呢啲專欄好多時都發揮左作者同讀者溝通嘅功用。
有時，公仔書會喺本書中間送拉頁海報，好似《玉郎漫畫》嘅拉頁海報就最受讀者歡迎。

港漫種類

香港漫畫一覽
香港漫畫家一覽
香港漫畫出版社一覽