蓬金鐵（泰文：โผน กิ่งเพชร，英文：Pone Kingpetch，原先個名係：馬拉·絲多拔，มานะ สีดอกบวบ）係泰王國嘅第一個世界拳王，渠1935年2月12號生響班武里府華欣。後生嗰時，響曼谷隆賓尼大拳場學拳術，得到名師指點，進步好快，十九歲就攞咗泰國嘅青年拳擊冠軍，1960年渠挑戰第一次世界次輕量級冠軍阿根廷嘅巴斯高彼瑞斯（Pascual Pérez）就擊敗對手，得咗次輕量級拳王嘅腰帶，收尾渠三次對陣日本拳手原田政彥，初戰失利，但係渠冇喪到氣，再戰擊敗對手，一時響拳壇傳作佳話。
到咗1965年，渠正式掛埋拳套，告別咗職業選手生涯，開辦武館教徒弟，培育咗一班泰國年輕嘅拳擊好手。點知1982年蓬金鐵響曼谷英年早逝，得四十七歲。渠嘅鄉下冇人唔記得渠，而家喺華欣市個市中心仲有「蓬金鐵公園」，入邊最為顯眼就係渠嘅紀念碑，頂上個銅像表現渠比賽得勝之後極度興奮，響度振臂高呼，激勵後世嘅人要為國爭光。