九廣東鐵，簡稱東鐵（以前叫九廣鐵路（英段），或者簡稱做九廣鐵路、九鐵（九廣西鐵啟用之前），香港市民口中所講嘅火車），係香港九廣鐵路公司營運嘅3條本地客運鐵路之一。由九龍嘅尖沙咀東部開始，經過九龍中部、新界東面同北面嘅新市鎮，到達位於中國大陸同香港交界嘅羅湖同落馬洲，全長大約35公里。由1910年10月1號起營運。截至2007年，東鐵總共有15個車站，當中2個同香港地鐵交匯，一個同九廣馬鐵交匯。除咗尖東站起喺地底之外，所有車站同路段都起喺地上面。全線嘅客運服務都用緊電動列車。目前全線車隊總共有444個電動列車車廂。東鐵喺九廣鐵路公司嘅路線圖上以藍色代表。